အဆိုတော်တစ်ယောက် ဖြစ်တဲ့ အိုင်ရင်းဇင်မာမြင့်ကတော့ ဂီတ လမ်းကြောင်းပေါ်မှာ ပရိသတ်တွေရဲ့ချစ်ခင်အားပေးမှုတွေနဲ့ လျှောက်လှမ်းနေတာဖြစ်ပါတယ်။အိုင်ရင်းဇင်မာမြင့်ရဲ့သီချင်းတွေကိုလည်း လူကြီး၊လူငယ်မရွေးကြိုက်နှစ်သက်ကြတာကြောင့် ဘယ်တော့မှမရိုးသွားဘဲ နားထောင်လို့ ကောင်းနေဆဲဖြစ်တဲ့ သီချင်းကောင်းလေးတွေဖြစ်ပါတယ်နော်။ အိုင်ရင်းဇင်မာမြင့်တို့အနုပညာရှင်တွေကလည်း COVID-19 (First Wave)ကတည်းက အလုပ်တွေကို ရပ်နားထားကြတာ အခုချိန်ထိပဲဖြစ်ပါတယ်။အိုင်ရင်းဇင်မာမြင့်က လက်ရှိအခြေအနေမှာဆိုရင်လည်း ပြည်သူလူထုနဲ့အတူ တစ်တပ်တစ်အားပါဝင်နေတာဖြစ်ပါတယ်နော်။

အိုင်ရင်းဇင်မာမြင့်က ယခုလိုအချိန်မျိုး မှာပဲ မိခင်ကို ဆုံးရှုံးလိုက်ရသေးတာကြောင့် ဖြည်မဆည်နိုင်အောင်ဝမ်းနည်းနေရတာဖြစ်ပါတယ်။ဘဝတစ်ပါးကိုကူးပြောင်းသွားတဲ့ မေမေ့ကိုလည်း အိုင်ရင်းဇင်မာမြင့်က အမြဲသတိရပြီးပူဆွေးနေတာဖြစ်ပါတယ်နော်။ ဖေဖော်ဝါရီလ(၁)ရက်နေ့ကတည်းက ဖြစ်ပျက်သွားတဲ့အခြေအနေတွေကြောင့် အိုင်ရင်းဇင်မာမြင့်ကလည်း ပြည်သူလူထုနဲ့အတူ လမ်းမပေါ်ထွက်ပြီး လူထုလှုပ်ရှားမှုတွေမှာ ပါဝင်သေးတာဖြစ်ပါတယ်။အရမ်းဇွဲကောင်းကြတဲ့ မြန်မာပြည်သူ၊ပြည်သားတွေကတော့ ယနေ့ထိတိုင်အားမလျော့ကြသေးတာကို တွေ့မြင်နေရဆဲပဲ ဖြစ်ပါတယ်နော်။

ပြည်သူလူထုတွေထဲမှာလည်း တချို့လူငယ်လေးတွေက လူထု လှုပ်ရှားမှုမှုပါဝင်ရင်း အသက်ဆုံးရှုံးခဲ့ရတာဖြစ်ပါတယ်။ဖေဖော်ဝါရီလ(၂၈)ရက်နေ့ကဆိုရင် တစ်နိုင်ငံလုံးပူဆွေးသောကရောက်ရတဲ့နေ့လေးပဲဖြစ်ပါတယ်။အမြို့မြို့၊အနယ်နယ်မှာ ကျဆုံးသွားရတဲ့ လူငယ်လေးတွေအတွက်လည်း ပြည်သူလူထုက တတ်နိုင်တဲ့ဘက်ကနေဝန်းရံပြီး ဆုတောင်းပွဲတွေပြုလုပ်ပေးခဲ့တာဖြစ်ပါတယ်နော်။အိုင်ရင်းဇင်မာမြင့်ကတော့ လှည်းတန်းမှာကျဆုံးသွားတဲ့သူရဲကောင်းညီညီအောင်ထက်နိုင်ရဲ့နောက်ဆုံးခရီးကိုလိုက်ပို့ပေးပြီး ကျန်ရစ်သူ မိသားစုကိုလည်း အားပေးစကားနဲ့နှစ်သိမ့်ခဲ့တာဖြစ်ပါတယ်။ အခုလိုအချိန်မျိုးမှာ ပြည်သူအချင်းချင်းကပဲ အပြန်အလှန်ဖေးမကူညီကြပြီး မိသားစုနဲ့ထပ်တူဝမ်းနည်းနေကြတာပဲဖြစ်ပါတယ်နော်။

Source&Photo Credit:Irene Zin Mar Myint’s Facebook Acc
Credit…

Leave a Comment

Your email address will not be published. Required fields are marked *