သရုပ်ဆောင် ဥက္ကာမင်းမောင်ကတော့ အလှမောင်တစ်ယောက်အဖြစ်သာမက သရုပ်ဆောင်တစ်ယောက်အဖြစ်လည်း အနုပညာလောကမှာ ထင်ရှားသူတစ်ယောက်ပဲ ဖြစ်ပါတယ်။ ဥက္ကာမင်းမောင်ကတော့ သူ့ရဲ့ LGBT ဖြစ်တည်မှုနဲ့ ပက်သတ်ပြီး ပရိသတ်တွေကို ပွင့်ပွင့်လင်းလင်းချပြထားခဲ့ပြီး သူ့ရဲ့ ပထမအိမ်ထောင် ကွယ်လွန်သွားပြီး ဒုတိယအချစ်နဲ့ ဆုံတွေ့စဉ်မှာလည်း ပရိသတ်ကို ချပြထားခဲ့သူတစ်ယောက် ဖြစ်ပါတယ်။ ဒါပေမယ့် ဒီကနေ့မှာတော့ ဥက္ကာမင်းမောင်က သူနဲ့ (၃) နှစ်နီးပါး လက်တွဲခဲ့တဲ့ ချစ်သူ Lance နဲ့ တရားဝင် လမ်းခွဲပြတ်ဆဲလိုက်ပြီဆိုတဲ့အကြောင်းကို အခုလိုပဲ ပြောပြလာပါတယ်။

“ကျွန်တော် နဲ့ Lance ရဲ့ ဇာတ်လမ်း က အဆုံးသတ်သွားတာ ၂ လလောက်ရှိပါပြီ။ အိမ်လဲပြောင်းပြီးပါပြီ။ ပရိတ်သတ်တွေက သူ့ပုံမတင်လို့ မေးမေးနေကြလို့ ပထမတော့ ပြတ်ပြီဆိုတဲ့ အကြောင်း ဘာမှ မတင်တော့ပဲ ဒီအတိုင်းထားလိုက်မလို့ပါပဲ။ ဒါပေမယ့် တစ်နေ့နေ့ တစ်ချိန်ချိန်မှာ ကိုယ် နောက်တယောက်နဲ့ စပြီး relationship ဖြစ်လာခဲ့ရင် လူတွေက ဘယ်အချိန်ထဲက Lance နဲ့ ပြတ်သွားတယ်ဆိုတာ မသိခဲ့ရင် ပြောလာကြမယ့် အတင်းတွေ အဖျင်းတွေ ကောလဟာလတွေ ရင်မဆိုင်ချင်လို့ အခုထဲက ပွင့်ပွင့်လင်းလင်းပြောထားတာ အကောင်းဆုံးလို့ ထင်တဲ့အတွက် အခု ပြောဖို့ ဆုံးဖြတ်လိုက်တာပါ။ ပြတ်ဆဲခြင်းမှာ ဘယ်သူ့ဘက်ကမှ ဖောက်ပြန်လို့လဲ မဟုတ်ပါ။ အခုလဲ ဘယ်လူအသစ်မှ မရှိပါ။”

“အခုအချိန်မှာ လူအသစ်တွေနဲ့ Date ချင်စိတ်လဲ မရှိပါဘူး။ လူဆိုတာကတော့ ရာသက်ပန်ပေါင်းချင်တာပဲလေ။ ဖြစ်လာသမျှ အကြောင်းအကောင်းလို့ပဲ သတ်မှတ်ပါတယ်။ တချို့လဲ ကျွန်တော့်ဘဝအကြောင်း သိပြီးသားပါ။ ကျွန်တော့်ဘဝမှာ အဆိုးဆုံးဆိုသော အရာတွေ ကို ဘဝမှာ ကြုံခဲ့ဖူးပြီးတဲ့သူတယောက်အတွက် ချစ်သူနဲ့ ပြတ်တာဟာ မပြောပလောက်တော့ပါဘူး။ ဒီအခိုက်အတန့်ကိုတော့ ကျော်ဖြတ်ရမှာပေါ့။ စိတ်မကောင်းပေမယ့် ဘာတတ်နိုင်မှာလဲလေ။ အားလုံး Merry Christmas & Happy New Year ပါ။ ကျွန်တော့်အတွက် ကျွန်တော် ဆုတောင်းသလို အားလုံးကိုလဲ နှစ်သစ်မှာ စိတ်၏ချမ်းသာခြင်း ကိုယ်၏ချမ်းသာခြင်းနဲ့ ပြည့်စုံ ကြပါစေလို့ ဆုတောင်းပေးလိုက်ပါတယ်။” ဆိုပြီး သူ့ရဲ့ ဖေ့စ်ဘုတ်စာမျက်နှာမှာ ပြောလာခဲ့တာပဲဖြစ်ပါတယ်။

ဥက္ကာမင်းမောင်ကတော့ သူ့ရဲ့ချစ်သူ Lance နဲ့ ကြည်နူးစရာ အခိုက်အတံ့တွေကို မျှဝေပေးလေ့ရှိတာကြောင့် အခုလို လမ်းခွဲပြတ်ဆဲကြောင်းပြောလာချိန်မှာ ပရိသတ်တွေက စိတ်မကောင်းဖြစ်နေကြရတာပဲ ဖြစ်ပါတယ်။ ဖတ်ရှုပေးကြတဲ့ ပရိသတ်ကြီးအားလုံးလည်း သာယာပျော်ရွှင်တဲ့ နေ့လေးတစ်နေ့ကို ပိုင်ဆိုင်နိုင်ကြပါစေလို့ဆုတောင်းပေးလိုက်ပါတယ်။

Source: Okkar Min Maung’s fb
Credit – Cele Connections